विभाग सहावा : अ ते अर्थशास्त्र

अनूपशहर तहशील :- संयुक्तप्रांत बुलंद शहर जिल्ह्याची पूर्वकडील तहशील असून तींत अनूपशहर, अहार आणि दिबई हे परगणे आहेत. उ. अ. २८^०  ५' ते २८^०  ३७' व. पू. रे. ७७^०  २८' ते ७८^०  २८'. क्षेत्रफळ ४४४ चौरस मैल. लोकसंख्या सुमारें दोनलक्ष ऐशी हजार. या तहशिलींत चार गांवें व ३७८ खेडीं आहेत इ. स. १९०३-४ मध्यें जमीनमहसूल रु. ४९९००० इतर कर रु. ८०००० होतें. अपर गँजेस कनालच्या अनूपशहर फांटयानें या तालुक्यांतील जमीन भिजली जाते. इ. स. १९०३-४ सालीं लागवडीखालीं असलेल्या ३३९ चौरस मैल जमिनी पैकीं १५८ चौरस मैल बागाइती होती. ( इं. गॅ. ५. ).