विभाग सहावा : अ ते अर्थशास्त्र

अफझलगड - संयुक्तप्रांतातील बिजनोर जिल्ह्यांत असलेल्या नजिना तहशीलींतील एक खेडें. बिजनोर शहरच्या पूर्वेस ३४ मैलांवर हें असून उत्तर अक्षांश २९^० २४’ व पूर्व रेखांश ७८^० ४१’ वर आहे. लोकसंख्या सुमारे सात हजार. अठराव्या शतकाच्या मध्यकालीं कोणी एका अफझलखान नांवाच्या माणसानें हें गांव वसविलें. हें फार सखल असून सभोंवारच्या दलदलीमुळें फार रोगट आहे. इ. स. १८५६ च्या २० व्या कायद्याप्रमाणें त्याची राज्यव्यवस्था चालते. त्याचें उत्पन्न सुमारें ११०० रुपये आहे. मुसुलमान कोष्टीलोक (जुलाहा) उत्तम प्रकारचें सुती कापड तयार करतात येथें एक मुलांची शाळा आहे (इं. गॅ. ५)