विभाग सहावा : अ ते अर्थशास्त्र

अरवंतघाट – (मद्रास इलाखा.) निलगिरी जिल्हा.  कुन्नुर तालुका.  उब्बुतलाई खेड्याची वाडी.  ११^० २२′ उत्तर अ. ७६^० ४५′ पूर्व रे. यांवर.  निलगिरी पठरावरील एका खोर्‍यास या वाडीचें नांव मिळालें असून या ठिकाणीं बिन धुराची दारू तयार करण्याचा कारखाना सरकारनें काढला आहे.  येथील यंत्रें विजेच्या साहाय्यानें चालतात व वीज तीन मैलांवर असलेल्या कार्तेरी नांवाचा धबधबा आहे त्या ठिकाणी उत्पन्न करितात.  यामुळें या खेड्यास बरेंच महत्त्व आलें आहे.  या कारखान्याजवळूनच उटकमंडला जुना रस्ता गेला आहे.