विभाग सहावा : अ ते अर्थशास्त्र

अरारिया — बंगाल पुर्णीआ जिल्ह्यांतील वायव्येकडील विभाग नेपाळ सरहद्दीवर आहे.  क्षेत्रफळ १०७७ चौरस मैल. २५^० ५६' ते २६^० ३५ उत्तर अक्षांश व ८७^० ३' ते ८७^० ४२' ते पूर्व रेखांश लोकसंख्या सुमारें चार लक्ष.  यांत ६०० खेडीं आहेत.  वसंतपूर, फोर्ब्सगंज, राणीगंज येथें मोठे बाजार भरतात व मदनपूर आणि चंद्रदिहि येथें गुरांचे बाजार भरतात.  वसंतपूर हें या विभागाचें मुख्य ठिकाण असून, येथून चार मैलांवर अरारिया खेडें आहे.  या खेड्यावरूनच विभागाला हें नांव मिळालें.